«Jetisý» fýtbol klýbynyń jetekshisi 2 aıǵa qamaýǵa alyndy

TALDYQORǴAN. KAZINFORM — «Jetisý» fýtbol klýbynyń dırektory Qalmuhamet Dóńsebaev ustaldy. 

— Jetisý oblysy boıynsha mamandandyrylǵan aýdanaralyq tergeý sotynyń habarlaýynsha, sot sheshimimen D-ny 2 aı merzimge qamaýda ustaý bultartpas sharasy sanktsııalanǵan. Sot úkimi zańdy kúshine engen joq, — dep túsinikteme berdi Jetisý oblystyq sotynyń baspasóz qyzmeti.

Taldyqorǵan fýtbol komandasy jetekshisiniń ustalý sebebi aıtylmady.

Buǵan deıin birqatar BAQ «Jetisý» fýtbol klýbynyń dırektory men osy attas áýe kompanııasynyń basshysy Qalmuhamet Dóńsebaevtyń ustalǵany týraly aqparat taratqan bolatyn.