«Jetisý» fýtbol klýbynyń sport dırektory sottaldy

ASTANA. KAZINFORM — «Jetisý» fýtbol klýbynyń sport dırektory sottaldy, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti. 

«Taldyqorǵan qalalyq soty «Jetisý» fýtbol klýbynyń sport dırektory D.M. Imanqulovqa qatysty úkim shyǵardy. Ol fýtbolshynyń eńbek shartyna bonýs berý syltaýymen 5,5 mln teńge mólsherinde bıýdjet qarajatyn alaıaqtyq jolmen jymqyrǵany úshin kináli dep tanyldy. Sot úkimimen oǵan 3 jyl 6 aı bas bostandyǵyn shekteý túrindegi jaza taǵaıyndaldy», - delingen habarlamada. 
Sot úkimi zańdy kúshine engen joq. 
Aıta keteıik, Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.