Jetisý ákimi óńirdiń damýy týraly: jospar artyǵymen oryndaldy

ASTANA. KAZINFORM – Jetisý oblysynyń ákimi Beıbit Isabaev qysqa merzimdi ekonomıkalyq ındıkator artyǵymen oryndalyp, 112,3%-ǵa jetkenin aıtty.

- Bıyl 11 aıda negizgi ındıkatorlar boıynsha jospar artyǵymen oryndaldy. Qysqa merzimdi ekonomıkalyq ındıkator 112,3% qurady. Onyń ishinde, aýyl sharýashylyǵyndaǵy ósim – 3,7%, ónerkásipte – 3,6%, turǵyn úı 4,4%, qurylys jumystary – 1,4 ese, saýda 1,3 ese ulǵaıdy. Jyl basynan beri oblys ekonomıkasyna 38% ósimmen 396 mlrd teńge ınvestıtsııa tartyldy, onyń ishinde 291 mlrd teńge jeke ınvestıtsııa esebinen. Jalpy memlekettik bıýdjetke 286 mlrd teńge tústi, onyń ishinde jergilikti bıýdjet 1,6 ese ósip, 106 mlrd teńgege jetti, - dedi Beıbit Isabaev óńirdiń áleýmettik-ekonomıkalyq damýy týraly esep bere turyp. 

Ákimniń aıtýynsha, óńir ekonomıkasynyń ilgerileýinde agroónerkásiptiń róli basym. 

- Bıyl oblystyń agroónerkásip keshenin damytýǵa 35 mlrd teńge baǵyttaldy, onyń 23,3 mlrd teńgesi sýbsıdııalar. 510 myń ga egis alqabyna 872 myń tonna dándi jáne 195 myń tonna maıly daqyldar egildi. Osy maýsymda 266 myń tonna kókónis jáne132 myń tonna kartop óndirildi. Sonymen qatar Aqsý qant zaýyty tolyq jóndeýden ótip, paıdalanýǵa berildi. Oblystyń 5 aýdanynda 8 jańa servıstik-daıyndaý ortalyǵy qurylyp, 30 sharýa qojalyǵyna quny 2,5 mlrd teńgege qant qyzylshasy óndirisine qajetti 62 birlik tehnıka satyp alyndy. Bıyl qant qyzylshasynyń egis alqaby 1,7 esege ulǵaıyp, 13,7 myń gektarǵa jetkizildi, 635 myń tonna tátti túbir jınaldy. Osylaısha Aqsý qant zaýytyna Jambyl oblysynan qosymsha 100 myń tonna qant qyzylshasy qabyldandy, - deıdi ol. 

Eske sala keteıik, 12 jeltoqsanda Memleket basshysy Qasym-Jomart Toqaev Jetisý oblysyna jumys saparymen bardy. Prezıdent óńirdegi birqatar ónerkásip jáne áleýmettik nysannyń jumysymen tanysty.