Jetisaıdaǵy janar-jaǵarmaı beketindegi órt úshin eki qyzmetker 5 jylǵa sottaldy

TÚRKІSTAN. KAZINFORM —  Túrkistan oblysy Jetisaı aýdanynyń soty janar jaǵar maı avtogaz quıý beketinde órt qaýipsizdik talaptarynyń erejelerin saqtamaı, nátıjesinde bekettiń ońtústik shyǵysynda turǵan eki adam órt kesirinen ajal qushqan edi. Bas prokýratýra eki qyzmetkerge qatysty úkim shyqqanyn habarlady.

— Sot talqylaýy barysynda memlekettik aıyptaýshy abaısyzda 2 adamnyń ólimine alyp kelgen sottalýshylardyń kináli ekenderin dáleldedi. 29.04.2025j. sot órt qaýipsizdik talaptarynyń erejelerin saqtamaı, eki adamnyń ómirlerin alyp ketken qylmys jasaǵan «JOL YRYSY» JShS-niń júrgizýshisi jáne onyń basqarýshy dırektoryna árqaısysyna 5 jyldan bas bostandyǵynan aıyrý jazalaryn taǵaıyndady, — delingen habarlamada.

Keltirilgen moraldyq jáne materıaldyq shyǵyn ishinara óteldi. Sot úkimi zańdy kúshine engen joq. 

Aıta keteıik, Astana prokýratýrasy «Kerýen» saýda, oıyn-saýyq ortalyǵynyń janyndaǵy jer telimine qatysty mámileniń zańdylyǵyn tekserip jatyr.