Jetisaıdaǵy órtten aman qalǵan 2 adam aýdandyq aýrýhanada emdelip jatyr
TÚRKІSTAN. KAZINFORM — Túrkistan oblysyndaǵy Alǵabas aýylynda 13 adamnyń ómirin qıǵan órtten aman qalǵan erli-zaıypty eki adam Shymkent qalasyndaǵy gıperbarııalyq oksıgenatsııa ortalyǵynan shyǵarylyp, Jetisaıǵa jetkizildi.
Túrkistan oblystyq densaýlyq saqtaý basqarmasynyń habarlaýynsha, qazirgi tańda olar Jetisaı aýdandyq ortalyq aýrýhanasynda emin jalǵastyryp jatyr.
— 1 jeltoqsan kúni túsken eki naýqastyń jaǵdaıy qazir turaqty. Eki patsıent te kúıik jaraqatynan keıingi kezeńde qajetti em qabyldap jatyr. Apparatsyz ózderi demalyp jatyr, ómirlik mańyzdy kórsetkishteri turaqty. Emdeý sharalary bekitilgen hattamaǵa sáıkes jalǵasyp jatyr. Naýqastardyń jaǵdaıy dárigerlerdiń turaqty baqylaýynda, — delingen vedomstvo usynǵan aqparatta.
Jetisaıdaǵy jantúrshigerlik órtten 13 adam mert boldy. Olardyń 10-y bala.
Budan buryn órtten aman qalǵan 3 adamnyń biri — 7 jasar qyz 30 qarasha kúni kóz jumǵanyn jazǵan edik.