Túrkistan oblysynda zamanaýı angıograf bólimi ashyldy
TÚRKІSTAN. KAZINFORM — Túrkistan oblysynyń Jetisaı aýdandyq ortalyq aýrýhanasy kúrdeli jóndeýden ótti.
«Aýylda densaýlyq saqtaýdy jańǵyrtý» pılottyq Ulttyq jobasy aıasynda «Jetisaı aýdandyq ortalyq aýrýhanasy» ǵımaratyna 2023 jyly kúrdeli jóndeý jumystary júrgizilip, ǵımaratqa qosymsha zamanaýı qabyldaý bólimi jáne «Magnıtti-rezonansty tomograf (MRT)» ǵımarattary salyndy.
Kúrdeli jóndeý jumystary respýblıkalyq bıýdjetten jasaldy. Sondaı-aq zamanaýı «Angıograf» medıtsınalyq quraly ornatylyp, aqhalattylardyń óz kásibine degen adaldyǵynyń arqasynda qazir naýqastarǵa júrek-qan tamyrlary aýrýlaryna kúrdeli operatsııalar jasalyp jatyr.
Em alǵandar dertine daýa tapqany úshin alǵys aıtýda. Bul koronarografııa jasaıtyn apparat aýdandar ishinde tek Jetisaıda ǵana bar. Sondyqtan, kórshiles aýdan turǵyndary da bul qyzmet túrin ala alady.
Búginde aýdandyq aýrýhanada 1241 qyzmetker jumys jasaıdy. Aýrýhanaǵa tirkelgen halyq sany — 85 315.
Aıta ketý kerek, 2017 jyldan beri Kompıýterlik tomograf (KT) medıtsınalyq quraly halyqqa medıtsınalyq qyzmet kórsetip keledi.
2025 jylǵa «Magnıtti-rezonansty tomograf (MRT)» medıtsınalyq qural jabdyǵyn satyp alý josparlanǵan.
Qazirgi tańda kóp beıindi aýrýhana statýsyna ıe bolý úshin, sondaı-aq medıtsına salasyn qalypty damyta otyryp, naýqastarǵa qyzmet kórsetý sapasyn arttyrý maqsatynda júıeli túrde jumystar jasalynýda.
Buǵan deıin Túrkistan oblysynda 310 oryndyq mektepte 1 myń bala oqyp júrgeni málim boldy.