Jetisaıda týystaryn jalǵan jumysqa tartyp, 24 mln jymqyrǵan qyzmetkerler ustaldy
JETІSAI. KAZINFORM - Túrkistan oblysynyń prokýratýrasy Jetisaı aýdany Atameken aýyly ákimdigi men jumyspen qamtý ortalyǵynda 24 mln teńgeden astam jymqyrý shemasyn anyqtady.
Jergilikti atqarýshy organ qyzmetkerleri adamdardy qoǵamdyq, onyń ishinde jastar praktıkasy sheńberinde jumystarǵa jalǵan tartyp otyrǵan.
Jumyssyz mártebesin alǵan 30-dan astam adam is júzinde qandaı da bir qoǵamdyq jumystardy oryndamaǵan jáne bul týraly bilmegen.
Laýazymdy tulǵalar jumysqa qabyldaý týraly buıryqtardy zańsyz shyǵarǵan jáne aı saıynǵy jalaqylaryn «Qazposhta» AQ men bankterdegi shottaryna aýdaryp, keıinnen basqa tulǵalarmen qolma-qol aqshaǵa aınaldyrǵan.
Ortalyq pen ákimdik qyzmetkerleri ózderiniń týystary men tanystaryn qujat rásimdeý arqyly qoǵamdyq jumystarǵa tartqan.
Oblys prokýratýrasy materıaldardy aqparatty esepke alý kitabynda tirkedi jáne sotqa deıingi tergep-tekserýdi júzege asyrý úshin aýmaqtyq Sybaılas jemqorlyqqa qarsy qyzmetine tapsyrdy.
