Jetisaıda bilim bólimi 33,8 mln teńge kólemindegi zeınetaqy jarnasyn keshiktirgen
ASTANA. KAZINFORM — Prokýratýra Túrkistan oblysynda bilim berý uıymdary qyzmetkerleriniń buzylǵan konstıtýtsııalyq quqyǵyn qalpyna keltirdi.
Qadaǵalaý qyzmeti barysynda bilim berý uıymdary qyzmetkerleriniń quqyqtarynyń buzylýy anyqtaldy.
Atap aıtqanda, aýdandyq bilim bólimi tarapynan 41 bilim berý uıymynda jumys isteıtin 3766 qyzmetkerge qatysty mindetti zeınetaqy jarnalary ýaqytyly aýdarylmaǵan.
Saldarynan 33,8 mln teńge kólemindegi tólemder júrgizilmeı, azamattardyń konstıtýtsııalyq quqyqtarynyń buzylýyna jol berilgen.
Prokýrorlyq qadaǵalaý aktisi negizinde atalǵan buzýshylyqtar tolyq joıylyp, mindetti zeınetaqy jarnalary tolyq kólemde tólendi.
Osylaısha, 3766 qyzmetkerdiń konstıtýtsııalyq quqyqtary qalpyna keltirildi.
Prokýratýra azamattardyń konstıtýtsııalyq quqyqtaryn qorǵaý baǵytyndaǵy júıeli jumystaryn jalǵastyrady.
