Jetisaı qalasynyń 55 jyldyǵyna oraı 55 jasqa kelgen 55 azamat óz tańdaýyn jasady
TÚRKІSTAN. KAZINFORM – Jalpy qala boıynsha 13 daýys berý ýchaskesi bar, 45 407 qala turǵynynyń 23 685-i daýys berý quqyna ıe azamattar.
Jetisaı aýdanynyń ortalyǵy Jetisaı qalasynyń qurylǵanyna 55 jyl tolýyna oraı 55 jasqa tolǵan 55 azamat daýys berdi.
Jalpy ońtústik óńirde 1 mln 180 myńnan astam azamat daýys berý quqyǵyna ıe. Oblystaǵy 945 ýchaskede 6 433 baıqaýshy men 20 mobıldi kapıtan jumys isteýde. Sondaı-aq, 167 aýyldyq eldi mekende turǵyndardy tekserý úshin jyljymaly medıtsınalyq pýnktter qyzmet kórsetedi.
Sondaı-aq, Túrkistan oblysynda «Otbasymyzben daýys beremiz!» aktsııasy ótip jatyr.
Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi.
Respýblıkalyq referendým bıýlleteninde bir ǵana saýal bolady: Siz Qazaqstanda atom elektr stantsııasyn salýǵa kelisesiz be? Daýys berýshi jaýaptyń eki nusqasynyń birin tańdaıdy: «Iá, kelisemin» nemese, «Joq, kelispeımin».
Ózderiniń konstıtýtsııalyq quqyǵyn Koreıa Respýblıkasyndaǵy Qazaqstan azamattary alǵashqylardyń biri bolyp júzege asyrdy.
1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.
Saǵat 10.00-degi jaǵdaıy boıynsha respýblıkanyń 2 mln 178 myń 593 azamaty bıýlletendi alǵan bolatyn. Ol tizimge engen azamattardyń 17,79 paıyzyn qurap otyr.
