Jetpis tórt jastaǵy esirtki tasymaldaýshy ustaldy
ASTANA. 18 sáýir. QazAqparat - Kóliktegi ІІD Kókshetaý stansasyndaǵy jelilik ishki ister bóliminiń qyzmetkerleri qyraǵylyǵynyń arqasynda 2011 jylǵy 14 sáýirde «Almaty- Sverdlovsk» baǵytyndaǵy poıyzymen Ekaterınbýrg qalasyna «geroın» esirtki zatyn alyp bara jatqan 74 jastaǵy qarııa ustaldy.
Kóliktegi ishki ister departamentiniń baspasóz qyzmetiniń habarlaýynsha, qarııa esirtki zatty shaǵyn polıetılen paketterine salyp, kúrteshe beldemshesiniń jáne jeńiniń ishki jaǵyna yńǵaılap tigip tastaǵan eken. Tárkilengen esirtkiniń jalpy salmaǵy 407 gramdy quraıdy. Jasy jetpis tórtke kelse de, áli kúnge deıin aqyl toqtatpaǵan qarııanyń ústinen qylmystyq is qozǵalyp, tergeý amaldary júrgizilýde.
