«Jetikól» kanaly 26 jyldan keıin alǵash ret tazartyldy: 10 kólge sý jetkizý jaqsardy
ASTANA. KAZINFORM — Bıyl «Qazsýshar» RMK-nyń Qyzylorda fılıaly Syrdarııa aýdanyndaǵy «Jetikól» sýarý kanalyn 26 jyldan keıin alǵash ret mehanıkalyq ádispen tazalady. Bul týraly Sý resýrstary jáne ırrıgatsııa mınıstrligi málim etti.
Bul jumystar kanaldyń 16,5 shaqyrymdyq ýchaskesinde júrgizildi. Nátıjesinde 10 kól júıesin, sondaı-aq kanal boıyndaǵy jaıylymdar men shabyndyqtardy sýmen qamtamasyz etý jaqsardy.
Budan bólek, kanaldyń tazartylýy Jetikól, Amangeldi jáne Aıdarly aýyldyq okrýgterindegi aýyl sharýashylyǵy alqaptaryn sýarý sýymen tolyq qamtamasyz etýge múmkindik berdi.
«Qazirgi ýaqytta bekitilgen kestege sáıkes Qyzylorda oblysyndaǵy 181 kól júıesine, sondaı-aq shabyndyqtar men jaıylymdarǵa sý jiberilip jatyr. Jyl basynan beri ekologııalyq maqsatta «Qazsýshar» RMK-nyń jergilikti fılıaly 942 mln tekshe metr sý jiberdi. Jyl sońyna deıin qosymsha shamamen 258 mln tekshe metr sý jiberý josparlanyp otyr»,
- dedi Sý resýrstary jáne ırrıgatsııa vıtse-mınıstri Jandos Sálimov.
taqyryp kerek
