Jetkinshek planshet úshin ózine qol saldy
ASTANA. QazAqparat - RF-nyń Astrahan oblysy Kamyzıak aýdanynyń tergeý bólimi 15 jastaǵy balanyń ólimi boıynsha tergeý júrgizýde. Alaıda jasóspirim óz-ózine qol jumsaǵanǵa uqsaıtyn kórinedi.
Senbi kúni bala óziniń 12 jastaǵy inisimen oınap júrgen. Jasóspirim oınap, inisinen planshetti alyp qoımaq bolǵan. Altynshy synyp oqýshysy súıikti oıynshyǵyn bergisi kelmegen. Talas ústinde jetkinshek planshetti syndyryp alǵan. Ol bul týraly anasyna aıtqanda ol urysyp, «inińniń planshetin syndyrsań, ózińdikin oǵan beresin, al keshke ákeń kelip mán-jaıdy anyqtar» dep aıtqan eken.
Toǵyzynshy synyp oqýshysy ákesi týraly aıtqanda durys túsinbeı qalǵan kórinedi. Óıtkeni ákesi áskerı bolǵandyqtan, balalaryn áskerı tártippen tárbıelegen.
- Ol Chýrka ózenine barǵan. Sýda shomylyp júrgen balalar jasóspirimdi aldymen jaǵalaýda júrgenin, keıin kópirge kóterilgenin kórgen. 15 jastaǵy balanyń 13 metrlik bıiktikten sekirgenin olar kórmepti, al óli denesin jaǵalaýda baıqaǵan, - dedi Astrahan oblysy boıynsha TK TB jetekshisiniń aǵa kómekshisi «KP» Andreı Hegaı.
Bul kezde anasy balasyn izdep júrgen. Sýyq habardy oǵan aýyldastary jetkizipti.
