Jetkinshek bir aı boıy kózine túsken qurtty bilmegen
ASTANA. QazAqparat - Lıma qalasynyń dárigerleri 17 jastaǵy naýqastyń kózinen 3 santımetrlik qurt tapqan.
Jasóspirim kóziniń ústi isigen soń Ulttyq balalar aýrýhanasyna kelgen. Dárigerler qurttyń balanyń kózine qalaı túskenin túsine almaı otyr, dep habarlady Vestı.rý.
Jelide otanyń jasalyp jatqan kezinde túsirilgen vıdeo paıda boldy. Bas oftalmolog Karolına Marchelanyń sózine qaraǵanda, qurt bala basyndaǵy teriniń astyna kirip, onyń mıyna zaqym keltirýi múmkin. Qurtty shyǵarý úshin dárigerler naýqastyń betine raıhan gúliniń maıyn jaqqan.
Ashyqqan qurt maıdyń ıisin sezip shyqqanda, dárigerler ony pıntsettiń kómegimen sýyryp aldy. Ota birneshe saǵatqa sozyldy. Abyroı bolǵanda, Lıma turǵyny japa shekken joq, jaqyn arada ol qaıta kóre alatyn bolady. Budan buryn Kanada azamatshasynyń qulaǵy men kózinen 120 dernásil alynǵany habarlanǵan bolatyn.
