Jetisýlyqtar voleıboldan Ulttyq lıgadaǵy el chempıonatynyń 2-týrynda da kóshbasshylyq tizgindi eshkimge berer emes
ALMATY. 21 jeltoqsan. QazAqparat /Erlik Erjanuly/ - Almaty oblysynyń «Jetisý» voleıbol komandasy Ulttyq lıgadaǵy áıelder komandalary arasynda HH Qazaqstan chempıonatynyń Almatyda ótip jatqan 2-týrynda da basty qarsylastaryn oısyrata utyp,
kóshbasshylyq tizgindi eshkimge berer emes. 1-týrda 2-3 oryn alǵan Pavlodar oblysynyń «Ertis-Qazhrom» men Astana qalasynyń «Astana» komandalary bul joly da 1:3 jáne 0:3 esebimen jeńilis tapty. Jetisýlyqtar búgin endi týrnır kestesinde 4-oryn alǵan «Almaty» voleıbolshylarymen sheberlik synasady. Almatylyqtar 1-týrda qarsylasyna 1:3 esebimen ese jibergen bolatyn.
«Temir dos» sport kesheninde 18-jeltoqsan kúni bastalǵan bul saıys 25-i kúni óz máresine jetedi. Alǵashqy týrda «Jetisý» - 18, «Ertis-Qazhrom» - 15, «Astana» - 12, «Almaty» - 7, al Qaraǵandy oblysynyń «Qaraǵandy» komandasy 6 upaı jınaǵan bolatyn. Óskemen qalasynyń «Shyǵys-QorǵasynQurylys» pen Temirtaý qalasynyń «Metallýrg AMT» óz qorjyndarynda birinshisinde - 3, ekinshisinde 2 upaı ǵana tústi. Bul joly alǵashqy 3 kezdesýdiń qorytyndysy boıynsha jetisýlyqtar, astanalyqtar jáne qaraǵandylyqtar - 6, almatylyqtar men óskemendikter - 3, pavlodarlyqtar - 2, temirtaýlyqtar 1 upaı qosty.
