Jetisýlyqtar meshitke aqysyz qyzmet etip júrgen janǵa kólik mingizdi
Temir tulpar Qadir túninde sadaqa retinde jınalǵan qarjyǵa satyp alynǵan, dep habarlaıdy QazAqparat tilshisi.
Quny 700 myń teńge turatyn kóliktiń kilti Zemfıra Nuralbekovaǵa kópshilik aldynda tabys etildi. Aýmaǵy 4 jarym myń sharshy metrlik meshit ǵımaratyn biraz ýaqyttan beri aqysyz-pulsyz tazalap, oǵan qosa osy ramazan aıynda aspazdyń qyzmetin atqaryp, taraýyq oqyǵan qarılar men meshitte jatyp bilim alatyn shákirtterdiń as-sýyn qamdap, saýabyn alǵan janǵa kólik mingizý týraly ıdeıany jas qarılar kóteripti. Qadir túninde ózderiniń qyzmetine dep jurt jınaıtyn sadaqany túgelimen beremiz dep ýaǵdalasqan. Olardyń bastamasyn ımamdar qoldaǵan. Meshittiń turaqty jamaǵaty da saýapty iske ortaqtasyp, qoldarynan kelgeninshe járdemdesken. 
Halyqtyń razylyǵyna bólengen Zemfıra Nuralbekovanyń otbasy Taldyqorǵannyń shetindegi aýylda turady eken. Otaǵasy ekeýi 3 bala tárbıelep otyrǵan ana endi qoǵamdyq kólikpen emes, óziniń jeke kóligimen meshitke qatynaıtyn bolady.
