«Jetisýlyqtar» qazaq kúresinen «Almaty barysy» týrnıriniń túıe balýandary atandy
ALMATY. 9 shilde. QazAqparat - Almatyda 7-8 shilde kúnderi qazaq kúresinen QR Prezıdentiniń júldesine arnalǵan «Qazaqstan Barysy» týrnıriniń qala boıynsha birinshiligi ótti. Ol «Almaty barysy» ataldy.
Jarysty Almaty qalasynyń dene shynyqtyrý jáne sport basqarmasy men Almaty qalasynyń ulttyq qazaq kúresi federatsııasy birlesip uıymdastyrdy. Oǵan buǵan deıin aýdandyq synda úzdik shyqqan balýandar qatysty.
Asa tartysty ótken jarysta 54 kelide Ǵýsman Qyrǵyzbaev, 60 kelide Ǵanı Keldiqulov, 66 kelide Nurjan Jumajan, 74 kelide Asylbek Álkeı, 82 kelide Jaıdar Saılaýbaev, 90 kelide Serik Orazhanov, 90 keliden joǵary salmaqta Arslan Abdamıt, al túıe balýanda Erdáýlet Qurmanov jeńimpaz atandy. Óz salmaǵynda qarsylas shaq keltirmegen Jetisý aýdanynyń balýany J. Saılaýbaev túıe balýan saıysynda asa aýyr salmaqta kúmis júldeger atanǵan óz jerlesi E. Qurmanovqa ǵana utyldy. Onda qola júldeni 90 keliden joǵary salmaqta jeńimpaz atanǵan Áýezov aýdanynyń sportshysy S. Orazhan ıelendi. Endi qyrkúıek aıynda Astanada ótetin «Qazaqstan barysy» dodasynda Almaty qalasynyń namysyn Erdáýlet Qurmanov pe Jaıdar Saılaýbaev qorǵaıtyn bolady.
