Jetisýlyqtar Elbasynyń saıası reformasyn qoldaıdy

TALDYQORǴAN. Qazaqparat - Almaty oblysynyń kópultty turǵyndary Elbasynyń memlekettik bılik tarmaǵynyń ókilettikterin bólip berý usynysyn qoldap otyr, dep habarlaıdy QazAqparat tilshisi.

Taldyqorǵan qalasyndaǵy Dostyq úıinde Qazaqstan halqy Assambleıasynyń músheleri, etno-mádenı birlestik jetekshileri, qoǵamdyq uıym ókilderi bas qosyp, Nursultan Nazarbaevtyń memleketimizdi demokratııalandyrý jolyndaǵy bul bastamasyn ózara talqylady.

«Prezıdenttik bıliktiń birqatar fýnktsııalaryn Parlament pen Úkimetke tapsyrý elimizdiń áleýmettik-ekonomıkalyq turaqtylyǵyn nyǵaıtyp, saıası damýyn jańa beleske kóteredi», - deıdi Almaty oblystyq QHA tóraǵasynyń orynbasary Ǵabıt Tursynbaı. Onyń aıtýynsha, jańa reforma damyǵan 30 elmen terezeni teńestirýge múmkindik beredi. Sondyqtan qazaq elinde turatyn ózge ult ókilderi bul baǵytta qoldaý kórsetip, jańa saıası bastamany óz ortalarynda qalyń buqaraǵa tereń nasıhattaýǵa kirispek.