Jetisýlyqtar 1 mamyr merekesin sən-saltanatpen atap ótti
TALDYQORǴAN. QazAqparat - Almaty oblysynyń turǵyndary 1 mamyr Qazaqstan halqynyń birligi kúnin keńinen atap ótti, dep habarlaıdy Qazaqparat tilshisi.
Taldyqorǵan qalasyndaǵy «Jastar» saıabaǵynda alýan ult ókilderi ózderiniń qolóner týyndylaryn, mádenıetinen syr shertetin ulttyq buıymdaryn jurt nazaryna usyndy.
Merekelik sahnada teatrlandyrylǵan kórinis qoıylyp, horeografııalyq ujymdary el birligin pash etetin ulttyq bılerdi bıledi. Jınalǵan jurtty qala ákimi Baǵdat Qarasaev quttyqtap, turǵyndar men shahar qonaqtaryna ıgi tilekterin joldady. Qala basshysy óz quttyqtaýynda «Tatýlyq týyn kúlli álemge jelbiretip, ózgege úlgi bolǵan Qazaqstan halqy yntymaǵynyń arqasynda birneshe bıik belesterdi baǵyndyryp keledi», - dep atap ótip, Táýelsiz Qazaqstannyń ashyq aspany astynda birneshe ult pen ulystyń bir ananyń balasyndaı tatý-tátti ǵumyr keship jatqanyn tilge tıek etti. Sondaı-aq Elbasy N. Ábishulynyń «Bizdiń biregeı jolymyz-teń quqyqtylyq, bir shańyraq astynda ómir súretin barlyq etnostyń birligi men kelisimi halyqtyń tilek qalaýymen tańdaldy», - degen oıyn mysalǵa alyp, elimizdiń basty qorǵaýshy kúshi - qoǵamdyq kelisim men etnosaralyq úılesimdi - saqtaý Qazaq eliniń aldynda turǵan basty mindet dep málim etti.
Almaty oblysynda 100-den astam ult ókili bereke-birlikte turyp jatyr. 80-ge jýyq etno-mádenı birlestik jumys isteıdi.
