Jetisýlyq voleıbolshylar Ulttyq lıgadaǵy áıelder komandalary arasynda qarsylas shaq keltirmeýde
ALMATY. 12 naýryz. QazAqparat - Erteń Qaraǵandyda voleıboldan Ulttyq lıgadaǵy áıelder komandalary arasynda ótip jatqan HH Qazaqstan chempıonatynyń 5-týry aıaqtalady.
6 naýryzda bastalǵan bul básekede alǵashqy 5 kúnniń qorytyndysy boıynsha Almaty oblysynyń «Jetisý» komandasy men Astana qalasynyń «Astana» komandasy 9 upaımen kósh bastap kele jatyr. Al Qaraǵandy oblysynyń «Qaraǵandysynda» - 8, Almaty qalasynyń «Almatysynda» - 7, Pavlodar oblysynyń «Ertis-Qazhromynda» - 5, Temirtaý qalasynyń «Metallýrg AMT» komandasynda - 3, al Óskemen qalasynyń «Shyǵys-QorǵasynQurylysynda» - 1 upaı bar. «Jetisýlyqtar» endi Temirtaý men Óskemen, pavlodarlyqtar «Qaraǵandy» men «Almaty» komandalarymen, astanalyqtar almatylyqtar men temirtaýlyq qurbylarymen kúsh synaspaq. Qazir «Jetisýda» - 63, «Astanada» - 48, Ertis-Qazhromda» - 36, «Qaraǵandyda» - 28, «Almatyda» - 20, «Metaýllýrg AMT-da» - 16, «Shyǵys-Qorǵasyn Qurylysta» - 7 upaı bar.
