«Jetisýlyq» voleıbolshylar áıelder arasyndaǵy klýbtyq Azııa chempıonatyn sátti bastady
ALMATY. 30 sáýir. QazAqparat - Vetnamnyń Danlak qalasynda keshe, 29 sáýirde voleıboldan áıelderdiń klýbtyq komandalary arasynda XIV Azııa chempıonaty bastaldy.
Bul jarysta taldyqorǵandyq «Jetisý» taıbeılikterdi 3:1 esebimen (25-13, 25-18, 17-25, 25-23) utyp, alǵashqy 3 upaıǵa qol jetkizdi. «A» tobynda baq synap jatqan olardyń búgingi qarsylasy jarys qojaıyndary -«Lienviet Postbank» komandasy bolsa, erteń taılandyqtarmen kúsh synasady. Eger óz tobynda úzdik shyqsa, shırek fınalda «V» tobynda 4-oryn alǵan komandamen kezdesedi. Al ekinshi oryn alsa, alǵashqy úshtikke engen qarsylasymen jup quraıdy.
Jarystyń jartylaı jáne aqtyq oıyndary 4-5 mamyr kúnderi ótedi.
