«Jetisýlyq» voleıbolshy qyzdardyń Ulttyq lıgadaǵy jeńisti serııasyna 25 aı toldy
ALMATY. 28 aqpan. QazAqparat - Pavlodarda 23-27 aqpan kúnderi voleıboldan Ulttyq lıgadaǵy áıelder komandalarynyń HHІ Qazaqstan chempıonatyndaǵy 4-shi týr oıyndary ótti. Asqar Shalqybekov jattyqtyratyn «jetisýlyqtar» (Taldyqorǵan) onda óziniń jeńisti serııasyn jalǵastyryp, 16 kezdesýden keıin upaı qoryn 45-ke deıin jetkizdi. Olar 25 aıdan beri el chempıonatyndaǵy 70 jáne el kýbogyndaǵy 18 matchta barlyq qarsylastarynan basym túsip otyr.
Qazir 4 týrdyń qorytyndysy boıynsha taldyqorǵandyqtar týrnır kestesinde «astanalyqtardan» - 16, pavlodarlyqtardan («Ertis-Qazhrom») - 24, «almatylyqtardan» - 32, «qaraǵandylyqtardan» - 33 upaıǵa uzap ketti. Endi kelesi týr 21-25 naýryzda Qaraǵandyda bolady. Buǵan deıin 1-2 týr 25-29 qarasha men 22-26 jeltoqsan kúnderi Almaty qalasynda, al 3-shi týr 25-29 qańtarda Şýchınsk qalasynda ótken bolatyn.
