Jetisýlyq voleıbolshy qyzdar Ulttyq lıgadaǵy el chempıonatynyń 2-týrynda da qarsylas shaq keltirmedi
ALMATY. 26 jeltoqsan. QazAqparat /Erlik Erjanuly/ - 18-25 jeltoqsan kúnderi Almatydaǵy «Temir dos» sport kesheninde voleıboldan Ulttyq lıgadaǵy áıelder komandalary arasynda HH Qazaqstan chempıonatynyń 2-týry ótti.
Onda Almaty oblysynyń («Jetisý») sportshylary barlyq qarsylastaryn aıqyn basymdyqpen utyp, týrnır kestesinde jalpy esepte 36 upaımen kóshbasshylyq tizgindi saqtap qaldy. Olardan Pavlodar oblysynyń voleıbolshylary («Ertis-Qazhromy») - 10, astanalyqtar - 11, Qaraǵandy oblysynyń komandasy («Qaraǵandy») - 22, almatylyqtar - 26, temirtaýlyqtar («Metallýrg AMT») - 27, óskemendikter («Shyǵys-QorǵasynQurylys») 30 upaı kem jınady.
Bul saıysta 21-28 qarasha kúnderi Óskemende ótken 1-týrda úzdik úshtiktiń qataryna engen jetisýlyqtar (18 upaı), pavlodarlyqtar (15 upaı), astanalyqtar (12 upaı) óz ornyn saqtap qaldy. Al almatylyqtar (7 upaı) men óskemendikter (3 upaı) týrnır kestesindegi óz oryndaryn ókshelep kele jatqan qaraǵandylyqtar (6 upaı) men temirtaýlyqtarǵa (2 upaı) bosatyp, bir saty tómendedi.
