«Jetisýlyq» voleıbolshy qyzdar Ulttyq lıgadaǵy el chempıonatynda bıyl da kósh bastaýda
ALMATY. 19 qarasha. QazAqparat - Qaraǵandyda 13-18 qarasha kúnderi voleıboldan áıelder arasyndaǵy HHІІ Qazaqstan chempıonatynyń І týry ótti.
2011 jyldyń aqpan aıynan keıin qatarynan 100 matchta jeńilis tappaǵan Taldyqorǵannyń «Jetisýyn» 2:3 esebimen utqan almatylyqtar 1 upaımen 4-oryndy qanaǵat tutty. Al qalǵan oıynda qarsylastaryn aıqyn basymdyqpen utyp, múmkin bolǵan 15 upaıdyń 13-in óz qorjynyna salǵan «jetisýlyqtar» bıyl da týrnır kestesindegi kóshbasshylyq tizgindi saqtap qaldy. Odan 2 upaıy kem «Ertis-Qazhrom» (Pavlodar) ekinshi, 3 upaıy kem «Qaraǵandy» úshinshi orynǵa taban tiredi. 3 upaımen «Astana» besinshi, al almatylyqtardan 1 upaı oljalaǵan «Shyǵys-QorǵasynQurylys» (Óskemen) sońǵy oryndy qanaǵat tutty. Endi ekinshi týr oıyndary jeltoqsannyń ortasynda Astanada ótetin bolady.
