«Jetisýlyq» voleıbolshy qyzdar Ulttyq lıgadaǵy el chempıonatynda birde-bir jeńilis tapqan joq
ALMATY. 27 jeltoqsan. QazAqparat - Almatyda 22-26 jeltoqsan kúnderi voleıboldan Ulttyq lıgadaǵy áıelder komandalary arasynda HHІ Qazaqstan chempıonatynyń 2-shi týry ótti.
2011/2012 jylǵy maýsymdy jeńilissiz aıaqtaǵan, Taldyqorǵannyń «Jetisýy» jańa maýsymda da óz mánerinen tanbaýda. Olar 2012/2013 jylǵy jańa maýsymdaǵy alǵashqy 2 týrdaǵy segiz oıynda 23 upaı jınap, týrnır kestinde kóshbasshylyq tizgindi saqtap ǵana qoımaı, 2012 jyldy da sátti aıaqtap otyr. Kelesi týr 24-30 qańtarda Astanada ótedi. Eger bul synda da «jetisýlyqtar» ústem shyǵatyn bolsa, olardyń el chempıonatyndaǵy jeńister serııasyna 2 jyl tolady. Olar sońǵy ret HІH Qazaqstan chempıonatynyń Pavlodarda 8-13 aqpan kúnderi ótken 3-shi týrynda barlyq qarsylastaryn 3:0 esebimen oısyrata utyp, tek 9 aqpan kúngi ekinshi oıynda Pavlodardyń «Ertis-Qazhrom» komandasyna 2:3 (22-25, 25-14, 19-25, 25-18, 12-15) esebimen ese jibergen edi.
2001 jyly qurylǵan «Jetisý» komandasy jalpy el chempıonatynda 2004-2007 jyldary kúmis júldeger atandy. Al 2008 jyldan beri olar ishki birinshilikte qarsylas shaq keltirmeı 5 jyl qatarynan Ulttyq lıganyń jeńimpazy boldy. Sondaı-aq 2011 jyly QR Spartakıadasynyń chempıony atandy.
