Jetisýlyq voleıbolshy qyzdar Ulttyq lıgadaǵy el chempıonatynda 2-týrdy sátti ótkizip jatyr
ALMATY. 12 qańtar. QazAqparat /Erlik Erjanuly/ - Búgin Almatyda voleıboldan Ulttyq lıgadaǵy áıelder komandalar HІH Qazaqstan chempıonatynyń 2-týryndaǵy 3-oıyndaryn ótkizdi.
Onda Almaty oblysynyń «Jetisý» komandasy kezekti jeńisine qol jetkizdi. Olar Pavlodar oblysynyń «Ertis-Qazhromyn» 3:0 esebimen oısyrata utty (25-15, 25-17, 25-19). «Jetisýlyqtar» qazir Qazaqstan chempıonatynda jeńilissiz kele jatqan jalǵyz komanda bolyp otyr. Bul synda alǵashqy eki oıynda qarsylastarynan jeńilis tapqan Temirtaýdyń «Metallýrg AMT» komandasy men Qaraǵandy oblysynyń «Qaraǵandy» komandasy ózara kezdesip, onda 1:3 (17-25, 14-25, 25-19, 21-25) esebimen qaraǵandylyqtardyń mereıi ústem boldy.
11 qańtar kúni Oktıabr Jarylǵapov atyndaǵy sport kesheninde óz jalaýyn kótergen bul jarystyń aqtyq oıyndar jeksenbi kúni ótedi.
