«Jetisýlyq» voleıbolshy qyzdar Ulttyq lıgada tórtinshi ret el chempıony atandy
ALMATY. 9 sáýir. QazAqparat - Taldyqorǵanda 3-8 sáýir kúnderi voleıboldan Ulttyq lıgadaǵy áıelder komandalary arasynda HH Qazaqstan chempıonatynyń aqtyq 6-týry ótti.
Onyń qorytyndysy boıynsha Almaty oblysynyń «Jetisý» komandasy 107 upaı jınap, el chempıony ataǵyn saqtap qaldy. Astana qalasynyń cportshylary 77 upaımen kúmis, Pavlodar oblysynyń «Ertis-Qazhromy» 59 upaımen qola júldeger atandy.
Jetisýlyqtar osymen tórtinshi ret el chempıony atanyp otyr. 2011/2012 jylǵy maýsymdy sátti bastaǵan «jetisýlyqtar» týrnır kestesinde birden alǵa shyǵyp, ózge komandalardyń bárin shań qaptyryp ketken edi. Baby men baǵy saı kelgen olardyń el birinshiliginde jeńimpaz atanatyyna eshkim shúbá keltirgen joq. Astanalyqtardyń kórsetkishi de jaman bolǵan joq. Tek qola júldeniń ıegeri ǵana sońǵy týrlarǵa deıin Qaraǵandy oblysynyń «Qaraǵandy» komandasymen birshama básekelesip keldi. Aqtyq synda «Jetisýmen» upaı bóliskenine qaramastan, pavlodarlyqtar qaraǵandylyqtardy qýyp jete almady. Olar qola júldegerden 5 upaıǵa artta qalyp qoıdy. Al «almatylyqtar» - 51, temirtaýlyqtar («Metallýrg AMT») - 20, óskemendikter («Shyǵys-Qorǵasyn Qurylys») - 10 upaı ǵana jınady.
