«Jetisýlyq» voleıbolshy qyzdar klýbtyq Azııa chempıonatynyń jartylaı fınalyna shyqty
ALMATY. 3 mamyr. QazAqparat - Vetnamnyń Dandlak qalasynda ótip jatqan áıelder arasyndaǵy XIV Azııa chempıonatynda Taldyqorǵan qalasynyń «Jetisý» komandasy jeńilissiz kele jatyr.
Toptyq kezeńde qarsylas shaq keltirmegen olar pleı-off kezeńinde Irannyń «Giti Pasand» komandasyn 3:0 esebimen oısyrata utty. Erteń jartylaı fınalda olar Japonııa («Blue Cats») men Taıland («Idea Khonkaen») voleıbolshylary arasyndaǵy kezdesýdiń jeńimpazymen jartylaı fınalda jup quraıdy. Qazaqstandyqtarmen buǵan deıin «A» tobynda óner kórsetip, kósh sońynda qalyp qoıǵan taılandtyqtarǵa qaraǵanda, «V» tobynda ekinshi oryn alǵan japondyqtardyń jartylaı fınalǵa shyǵý múmkindigi basym. Japondyqtar buǵan deıin toptyq synda tek qytaılyqtardan («Guangdong Evergrande») ǵana utylǵan bolatyn.
