Jetisýlyq voleıbolshy qyzdar el chempıonatynyń 5-týrynda da barlyq qarsylastaryn oısyrata utýda
ALMATY. 11 naýryz. QazAqparat - Almaty oblysynyń sportshylary Qaraǵandyda ótip jatqan voleıboldan Ulttyq lıgadaǵy áıelder komandalary arasyndaǵy HH Qazaqstan chempıonatynyń 5-týrynda da sheberliktiń úlken úlgisin tanytýda.
Alǵashqy úsh kezdesýde «Astana», «Ertis-Qazhrom», «Qaraǵandy» komandalaryn 3:0 esebimen utqan olar, múmkin bolǵan 9 upaıdyń barlyǵyn óz qorjynyna saldy. Búgin «jetisýlyqtar» almatylyq qurbylarynyń sheberligin synaıdy. Al óskemendikter («Shyǵys-QorǵasynQurylys») temirtaýlyq («Metallýrg AMT»), qaraǵandylyqtar astanalyqtarmen kúsh synasady. Qazir «Jetisýda» - 63, «Astanada» - 45, Ertis-Qazhromda» - 37, «Qaraǵandyda» - 28, «Almatyda» - 20, «Metallýrg AMT» komandasynda - 13, «Shyǵys-Qorǵasyn Qurylysta» - 10 upaı bar.
