Jetisýlyq voleıbolshy qyzdar el chempıonatynyń 2-týrynda da Ulttyq lıgadaǵy basty qarsylasyn oısyrata utty
ALMATY. 20 jeltoqsan. QazAqparat /Erlik Erjanuly/ - Almatyda voleıboldan Ulttyq lıgadaǵy áıelder komandalary arasynda HH Qazaqstan chempıonatynyń 2-týry ótip jatyr.
18 jeltoqsanda jalaýy kóterilgen bul baıraqty báseke jeksenbi kúni aıaqtalady. Alǵashqy týrda 18 upaımen týrnır kestesinde kósh bastaǵan Almaty oblysynyń «Jetisý» komandasy keshe alǵashqy týrda 15 upaımen ózderin ókshelep kele jatqan Pavlodar oblysynyń «Ertis-Qazhromyn» ekinshi ret 3:1 esebimen tize búktirdi. Pavlodarlyqtar jeksenbi kúngi 1-kezdesýde 2 upaımen kósh sońynda kele jatqan temirtaýlyqtarmen («Metallýrg») upaı bólisti (3:2). Al 12 upaımen úzdik úshtikti túıindegen astanalyqtar bul joly da Temirtaý men Óskemen («Shyǵys-QorǵasynQurylys») voleıbolshylaryn 3:0 esebimen oısyrata utyp, upaı qoryn 18-ge deıin jetkize aldy. Búgin endi «Astana» men «Jetisý», «Qaraǵandy» men «Shyǵys-QorǵasynQurylys», «Almaty» men «Metallýrg AMT» ózara sheberlik baıqasady. Alǵashqy týrda astanalyqtar da, óskemendikter de, temirtaýlyqtar da qarsylastarynan 0:3 esebimen jeńilis tapqan edi.
