Jetisýlyq prokýrorlar urpaqtyń rýhanı tárbıesine mán berýde

TALDYQORǴAN. QazAqparat - Almaty oblysyndaǵy Eskeldi aýdanynyń jastaryna aýdandyq prokýratýra qyzmetkerleri týǵan ólkesi boıynsha saıahat uıymdastyrdy, dep habarlaıdy QazAqparat tilshisi. 

Bul sharany quzyrly organ qyzmetkerleri Elbasynyń «Rýhanı jańǵyrý: bolashaqqa baǵdar» baǵdarlamalyq maqalasy jáne Eskeldi bı Jylkeldiulynyń 325 jyldyǵy aıasynda qolǵa alyp otyr. Aýdan prokýrorlary bilim bólimimen birigip az qamtylǵan otbasydan shyqqan bir top balany tarıhı jáne mádenı oryndarmen serýendetti. Saıahat barysynda balalar Eskeldi bı kesenesine baryp, batyr ári danagóı babalarynyń ómiri men erlikterinen qulaǵdar boldy. Sondaı-aq olar Aldabergenov aýylynda ornalasqan Eki márte Sotsıalıstik Eńbek Eri, tájirıbeli basshy Nurmolda Aldabergenovtyń mýzeıin kórdi. Rýhanı shańyraqta jastar eńbekqor tulǵanyń jetistikterimen tanysty. Zań qadaǵalaýshy organ ókilderi osylaısha oqýshylardy otandy súıýge, tarıhty bilip, qasterleýge, tarıhı tulǵalardyń ómir shejiresinen úlgi alýǵa  shaqyrdy.