Jetisýlyq polıtseıler úshin kúızelisti jeńildetetin bólme ashyldy
TALDYQORǴAN. QazAqparat - Almaty oblystyq ІІD psıhoemotsııalyq jeńildený bólmesi ashyldy. Endi kez-kelgen tártip saqshysy qalaǵan ýaqytynda bul jerge kelip tynyǵyp, mı sharshaýynan aryla alady, dep habarlaıdy QazAqparat tilshisi.
Sondaı-aq, bul jerde olarǵa arnaıy psıholog mamandar qyzmet kórsetedi. Bólmege kirgen polıtseı bulbul qustardyń únin, aqqan bulaq syldyryn estip tabıǵatta jalǵyz júrgendeı áser alady.
«Qoǵamda ne bir jaǵdaılar bolady. Túrli jaǵdaılardan stress alatyn sátter bolady. Boıdaǵy kúızelisti jeńildetýge arnalǵan búgingi psıhoemotsııalyq relaksatsııalyq bóliminiń ashylǵanyna óte qýanyshtymyn», -deıdi oblystyq ІІD jyldam qımyldaıtyn arnaıy jasaq ınspektory Tileýles Toqtabekov.
Jalpy mundaı bólmeler Batys elderinde burynnan tájirıbege engizilgen. Bul aýyr jumysta júrgen saqshylardyń kúızeliske ushyramaı, jyldam qatarǵa qosylýyna múmkindik beredi.
Aıta keteıik, bul óńirde sońǵy eki jylda 2 polıtseı túrli sebeppen óz-ózine qol jumsaǵan.
