«Jetisýlyq» qyzdar Indonezııada ótip jatqan klýbtyq Azııa chempıonatynyń jartylaı fınalyna shyqty
ALMATY. Shildeniń 3-i. QazAqparat /Erlik Erjanuly/ - Búgin Indonezııanyń Shyǵys ıAva qalasynda áıelder arasyndaǵy klýbtyq Azııa chempıonatynyń jartylaı fınaldyq oıyndary ótip jatyr.
Onda «jetisýlyqtar» Japonııanyń «Marvelýs», al Qytaıdyń «Federbraýy» Taılandtyń «Tıanjın Brındjstoýn» klýbtarymen kezdesedi. Nellı Şerbakova jattyqtyratyn taldyqorǵandyq qyzdar shırek fınalda keshe taıpeılikterdi 3:1 (25:12, 25:20, 20:25, 25:12) utqan bolatyn.
Maýsymnyń 26-sy kúni bastalǵan bul dúbirli dodanyń aqtyq syny erteń ótedi. Jalpy bul jarysqa Vetnam, Japonııa, Indonezııa, Iran, Qazaqstan, Qytaı, Ońtústik Koreıa, Taıland, Taıpeı jáne Soltústik Koreıa chempıonatynyń jeńimpazdary qatysýda. N. Şerbakovanyń shákirtteri Azııa chempıonaty qarsańynda «Taıland hanshaıymy kýbogynda» jarys qojaıyndaryna ǵana ese jiberip, júldeli ekinshi oryndy jeńip alǵan edi.
