«Jetisýlyq» qyzdar Indonezııada ótip jatqan klýbtyq Azııa chempıonatyn sátti bastady
ALMATY. Maýsymnyń 28-i. QazAqparat /Erlik Erjanuly/ - Indonezııanyń Shyǵys ıAva qalasynda ótip jatqan klýbtyq Azııa chempıonatynda «Jetisýlyq» qyzdar Qytaı men Vetnam sportshylarynan basym tústi,
dep habarlaıdy QazAqparat QR Voleıbol federatsııasyna silteme jasap.
Maýsymnyń 26-sy kúni bastalǵan dúbirli dodaǵa jarys qojaıyndarynan basqa Vetnam, Japonııa, Iran, Qazaqstan, Qytaı, Ońtústik Koreıa, Taıland, Taıpeı jáne Soltústik Koreıanyń el chempıondary qatysyp jatyr. Nellı Şerbakova jattyqtyratyn Taldyqorǵannyń "Jetisý" voleıbol klýby bul baıraqty básekeni sátti bastady. Olar qytaılyqtardy 3:1 (25:16, 25:23, 20:25, 25:22), vetnamdyqtardy 3:0 (25:16, 25:21, 26:24) esebimen utty. Búgin olar bir kún tynyǵyp erteń Taılandtyń «Federbraý», al arǵy kúni Ońtústik Koreıanyń «KT end Djı Arıels» klýbymen synǵa túsedi.
