Jetisýlyq ártister kəsibı merekelerin erekshe atap ótti
TALDYQORǴAN. QazAqparat - Bıken Rımova atyndaǵy Almaty oblystyq drama teatrynyń ujymy kəsibı merekelerin erekshe atap ótti. Sahna sheberleri mingen lımýzınder Taldyqorǵan kóshelerimen júrip ótti, dep habarlaıdy QazAqparat tilshisi.
Shahardyń kórikti ǵımarattary men eskertkishteriniń aldynda estelik sýretke túsken óner ıelerin teatr aldynda erekshe qoshemetpen qarsy aldy. Qyzyl kilem ústimen júrip ótken sahna sańlaqtary halyqaralyq teatr kúnine arnalǵan saltanatty jıynǵa qatysty. Óner ujymyn aıtýly kúnmen quttyqtaýǵa oblys əkimi Amandyq Batalov arnaıy keldi. Jyly lebizin bildirgen óńir basshysy birqatar óner ıelerin marapattady. Teatr ónerin damytýǵa, halyqty rýhanı baıytýǵa úles qosyp júrgen jandar Qurmet gramotasymen marapattaldy. Olardyń qatarynda talantty akter Musa Adjıbekov pen rejısser, teatrdyń kórkemdik jetekshisi Nazym Óteýlınova bar. Qasıetti qara shańyraqta QR Halyq ártisi Almahan Kenjebekova, Qazaqstannyń eńbek sińirgen qaıratkeri Əlıhan Ydrysheva, Qazaqstannyń Eńbek sińirgen ártisi Ómirserik Qalıuly, Mədenıet qaıratkeri Kendebaı Temirbaıuly syndy halyqtyń súıikti ərtisteri eńbek etedi. Al ujymdy halyqtyń júreginen erekshe talantymen oryn alǵan belgili aktrısa Ǵalııa Temerbaeva basqarady.
Aıta ketý kerek, aldaǵy ýaqytta bul óner ujymy jańa teatrǵa qonystanady. Qazir nysannyń qurylysy qyzý júrip jatyr. Úsh qabattan turatyn ǵımarattyń jalpy aýdany 10 538 sharshy metr. Kórermen orny 510 adamǵa laıyqtalǵan. Teatrdyń qurylysy jospar boıynsha 2018 jyldyń 30 maýsymynda aıaqtalady.
