Jetisýlyq 97 myń turǵyn jekemenshik úı salý úshin jer telimin alady
TALDYQORǴAN. QazAqparat - Aldaǵy 15 jylda jetisýlyq 97 myń turǵyn jekemenshik úı salý úshin jer telimin alady. Igi bastama «Nurly jer» baǵdarlamasy aıasynda júzege asady, dep habarlaıdy QazAqparat tilshisi.
Almaty oblysynda «Nurly jer» memlekettik baǵdarlamasy aıasynda aldaǵy eki jylda jekemenshik turǵyn úı salýshylarǵa eki myń gektardan astam jer bólinedi. Onda 5 myńnan astam jer úı salynbaq.
«Úılerdiń bári zamanǵa saı salynýy kerek. Olardyń kólemi 70 nemese 100 sharshy metr, múmkin odan da úlken bolatyn shyǵar. Biraq qurylystyń sapa jaǵyna basa kóńil aýdarýymyz kerek», dedi Almaty oblystyq sáýlet jáne qurylys basqarmasynyń basshysy Dárken Nurjanov.
Al oblys ortalyǵynda barlyq ınfroqurylymy júrgizilgen 100 gektar aýmaq ıgerilmeı otyr. Sebebi bul jer telimi «Jetisý» áleýmettik-kásipkerlik korporatsııasyna tıesili. Olar kezinde bul jerge kottedjdi qalashyq salýdy josparlaǵan. Elektr jelisi, sý jáne káriz júıesi júrgizilgen alqap endi «Nurly jer» baǵdarlamasyna ótýi múmkin. Qazirgi tańda jer telimderin retteý jáne bólý máselesi qarastyrylýda.
