Jetisýdaǵy Kerbulaq aýdandyq polıtsııa bólimi bastyǵynyń orynbasaryna qatysty tergeý bastaldy

TALDYQORǴAN.QazAqparat - Jetisý oblysyndaǵy Kerbulaq aýdandyq polıtsııa bólimi bastyǵynyń orynbasaryna qatysty sotqa deıingi tergeý bastaldy, dep habarlaıdy QazAqparat.

«Kerbulaq aýdanynyń polıtsııa bólimi bastyǵynyń orynbasary óziniń qyzmettik jaǵdaıyn paıdalana otyryp, 2021-2022 jyldar aralyǵynda, jalpy somasy 571 mln teńge quraıtyn shot-faktýralardy jazyp, qyzmet kórsetip, taýarlardy jóneltý maqsatynda oblys turǵyndaryna shaǵyn bıznes sýbektilerin (JK) tirkegen», – delingen Sybaılas jemqorlyqqa qarsy is-qımyl agenttiginiń oblystyq departament baspasóz qyzmetiniń relızinde.

Antıkorrýptsııalyq qyzmettiń málimetinshe, kinásin moıyndaýyna baılanysty atalǵan tulǵaǵa qatysty is júrgizý boıynsha ustaý júrgizilgen joq.

Tergeý jalǵasýda. Tergeý múddesi úshin basqa aqparat jarııa etilmeıdi.