Jetisýda sý ólsheıtin konstrýktsııaǵa soǵylǵan kóliktegi jolaýshy kóz jumdy

TALDYQORǴAN. QazAqparat - Jetisý oblysynda avtokólik sý deńgeıin baqylaıtyn qurylymǵa soqtyǵysty, dep habarlaıdy QazAqparat polıtsııaǵa silteme jasap.

Jol apaty 29 qańtar keshke Panfılov aýdanynda tirkelgen.

Toyota Corolla avtokóliginiń rólinde 65 jastaǵy zeınetker boldy.

Ol Úsharal - Kerimaǵash avtojolynyń 4-shaqyrymynda kólikti basqara almaı, kilt burylysta trassadan ushyp ketti.

Saldarynan kólik sý arnasynyń deńgeıin baqylaıtyn gıdrotehnıkalyq qurylysqa soǵylysty.

Oqıǵa ornynda jeńil avtokóliktiń 50 jastaǵy jolaýshysy kóz jumdy.

Júrgizýshi túrli jaraqatpen aýdandyq aýrýhanaǵa jetkizildi. JKO faktisi boıynsha sotqa deıingi tergeý amaldary bastaldy.

Foto: t.me/POLICE_of_KZ