Jetisýda «Sakraldi Qazaqstan» ekspedıtsııasy jolǵa shyqty
Solardyń biri otandyq BAQ ókilderi men blogerlerden qurylǵan top, dep habarlaıdy QazAqparat tilshisi.
«Sakraldi Qazaqstan» ekspedıtsııasy aıasynda olar eki kúndik saparǵa shyqty. Arnaıy top Qoılyq jáne Saǵabúıen kóne qalashyqtarynda, Qapal aýylyndaǵy Tamshybulaq qaınarynda, aqyn Sara mýzeıi men kóne bilim ordasy Mamanııa mektebinde boldy.
«Bul jerden qazaq zııalylarynyń kóbi shyqqan. Osy jerde bilim alǵan. Onyń ishinde aqıyǵymyz, qulagerimiz Іlııas Jansúgirov atamyz bar. Bilál Súleevimiz bar. Ózderińiz bilseńizder, kezinde Bilál Súleev Qaraqalpaqstannyń bilim mınıstri bolǵan», - dedi Mamanııa orta mektebiniń dırektory Alpamys Qazbanbetov.
Mektep 19-shy ǵasyrdyń aıaǵynda jergilikti dáýletti azamattardyń kúshimen salynǵan. Bilim oshaǵy Jetisý óńirindegi alǵashqy metsenattyq qozǵalystyń aıqyn kórinisi. Sondyqtan «Týǵan jer» baǵdarlamasyn júzege asyrýda atymtaı jomarttarǵa Maman áýletiniń bastamalary jıi mysalǵa alynyp turady.