Jetisýda ótken jas aqyndar aıtysynda Aıat Jánibek bas júldeni jeńip aldy

TALDYQORǴAN.QazAqparat - Almaty oblystyq ishki saıasat basqarmasy men oblystyq «Rýhanı jańǵyrý» jobalyq keńsesiniń uıymdastyrýymen «Birjan men Sara» atty sóz dodasyna alǵash qadam basqan jas aqyndardyń onlaın aıtysy máresine jetti, dep habarlaıdy QazAqparat tilshisi.

Úsh kúnge josparlanǵan aıtysta óńirdiń 18 jas aıtys aqyny qatysyp, baqtaryn synady. Sóz dodasyna qatysqan úmitkerlerdiń óneri men órligin Ermek Kelemseıit, Raýshan Jánibekova, Ámire Árin, Aıtaqyn Bulǵaqov, Qanysha Raısova, Serik Ábikenuly, Jemisbek Tolymbekov, Qajet Andas, Saǵynysh Namazshamova sııaqty ár salanyń bilgirleri baǵalap, artyqshylyǵyn alqap, oryn alǵan kemshilikterdi kórsetti. El-jer tarıhy, aıtys ónerindegi uly tulǵalardyń eńbegin jańǵyrtý, Táýelsizdik jetistikterin óleńmen órý, «Rýhanı jańǵyrý» baǵdarlamasyn iske asyrý aıasynda qazaq halyq shyǵarmashylyǵyn nasıhattaý jáne damytýdaǵy jastardyń rólin barynsha kórsetýdi maqsat etken aıtys irikteý kezeńi, jartylaı fınal jáne aqtyq syn sııaqty úsh kezeńnen turdy.

Aıtystyń sharty boıynsha sahnaǵa shyǵatyn ár jup jerebe tartý ádisi boıynsha juptastyrylady. Aıtystyń jalpy júlde qory 1 mıllıon teńgeden asady. Jalpy, sóz saıysy onlaın túrde ótkenditken tehnıkalyq kemshilikter de kezdesti. Biraq aıtys erejesinde kórsetilgen barlyq talap oryndalyp, úmitkerlerdiń óz bilimi men biligin kórsetýge barlyq múmkindik jasaldy.

Almaty oblysynda ótken jas aqyndar aıtysynda bas júldeni Raıymbek aýdannyń aqyny Aıat Jánibek, júldeli І oryndy Taldyqorǵan qalasynyń aqyny Janatbek Aıdaráli, ІІ oryndy Kerbulaq aýdanynyń aqyny Aqyt Dastanuly, ІІІ oryndy Talǵar aýdannyń aqyny Nurıslam Ábıtılda jeńip aldy.

Júldeger aqyndarǵa oblys ákiminiń orynbasary Rýstam Alıuly atynan aqshalaı sertıfıkat men alǵys hat tabys etildi.