Jetisýda eńbek quldyǵyna túsken er adamnyń isine qatysty tekseris bastaldy

TALDYQORǴAN. QazAqparat - Jetisý polıtseıleri áleýmettik jelilerde kóp jyldyq eńbek quldyǵy týraly málimdegen er adamdy izdep tapty, dep habarlaıdy QazAqparat ІІM-ne silteme jasap.

22 qarashada áleýmettik jelilerde er adamnyń beıne habarlamasy shyqty, ol sońǵy 10 jyl ishinde Qaratal aýdanyndaǵy sharýa qojalyq ıesiniń quldyǵynda bolǵanyn málimdedi. Polıtseıler vıdeonyń avtory bolǵan Úshtóbe qalasynyń 44 jastaǵy turǵynyn izdep tapty.

Er adam, onyń otbasy músheleriniń qujattaryn jumys berýshi zańsyz ıemdengenin aıtady.

«Qazir er adamnyń ótinishi resmı túrde tirkeldi. Oǵan qatysy bar barlyq adamdardan túsinikteme alyndy. ıAǵnı, sharýa qojalyǵynyń ıesi, onyń qyzmetkerleri, sondaı-aq jábirlenýshiniń týystary. Qujattardy zańsyz alý faktisi boıynsha tergeý amaldary bastaldy. Qylmystyq is aıasynda, sondaı-aq ótinish berýshiniń eńbekti paıdalanýy týraly keltirgen dálelderi de tekserilýde. Er adam jáne onyń qyzyna kómek kórsetilýde. Tergeý barysynda ol Taldyqorǵan óńirlik «Áıelderdi qoldaý ortalyǵy» qoǵamdyq birlestiginiń ókilderi usynǵan turǵyn úımen, kıimmen jáne tamaqpen qamtamasyz etilgen. Іs boıynsha barlyq tergeý áreketteri Oblystyq polıtsııa departamenti basshylyǵynyń erekshe baqylaýyna alyndy», - dedi oblys PD bastyǵynyń orynbasary Eldar Ábdikenov.