Jetisý jerindegi Sarqan aýdanyna 90 jyl tolady
Búgin bul jóninde arnaıy ekspedıtsııa tobyn qabyldaǵan Sarqan aýdanynyń ákimi Erǵazy Qoshanbekov aıtty.
«Bul óńirdiń tarıhy tereńde jatyr. 1928 jyly Sarqan aýdany qurylǵan. Keler jyly 90 jyl tolady. Al Sarqan qalasynyń qurylǵanyna 50 jyl. Osy aıtýly datany atap ótýdi josparlap otyrmyz. Búginde aýdan halqynyń ál-aýqaty kúnnen kúnge jaqsaryp keledi. Qazir aýdan halqy úshin qarbalas sát. Bıyl Aqsý jáne Sarqan aýdany sharýalarynyń 100 myń tonna qant qyzylshasyn ótkizýi kútilýde», - dedi E. Qoshanbekov.
Sondaı-aq aýdan basshysy «Bolashaqqa baǵdar: rýhanı jańǵyrý» baǵdarlamasy aıasynda atqarylyp jatqan sharalar jóninde de málim etti. Aıtýynsha, aýdan azamattary týǵan jerin, týǵan ólkesin damytýǵa ózindik úlesterin qosyp, belsendilik tanytýda. Máselen, birneshe sharýa qojalyqtary birigip aýdan ortalyǵynda ardagerler úıin salyp jatyr. Osyǵan uqsas jalpy 22 joba júzege asýda. Jalpy Sarqan aýdany búginde turaqty damý ústindegi eldi meken. Іshki ónim 2016 jyly 23,3 mlrdty qurasa, bıyl ol kórsetkishti 25,6 mlrdqa jetkizý josparda. Al, sońǵy 8 aıda ınvestıtsııa kólemi 2 mlrd 106 mln teńgege jetken.
Aıta ketý kerek, Almaty oblystyq Іshki saıasat basqarmasy jáne oblystyq óńirlik kommýnıkatsııalar qyzmeti «Sakraldi Qazaqstan» atty ekspedııa uıymdastyrdy. Aıasynda BAQ ókilderi jáne arheolog, tarıhshylar Aqsý jáne Sarqan aýdanyndaǵy kıeli jerlerge baryp, tarıhymen keńinen tanysýda. Baǵdarlamaǵa sáıkes, olar Tamshybulaq, Aqyn Sara mýzeıi, kóne Saǵabúıen qalashyǵy, Mamanııa mektebi jáne Qoılyq qalashyǵyna barady.