Jetisý jastary volonter jylyn bastap ketti

TALDYQORǴAN. QazAqparat - Almaty oblysynyń jastary memleket basshysy Qasym-Jomart Toqaev jarııalaǵan eriktiler jylyn saltanatty túrde bastap ketti. Taldyqorǵandaǵy aýqymdy aktsııaǵa QR Parlamentiniń depýtattary men senatorlary, óńir basshylary qatysyp jastarǵa sáttilik tiledi, dep habarlaıdy QazAqparat tilshisi.

Almaty oblysynda qazirgi tańda 1043 volonter jumys istep jatyr. 19 uıym qurylǵan. Óńirde eriktiler sany aldaǵy ýaqytta eselene túspek. Jınalǵan jurt aldynda sóz alǵan óńir jastary volonter bolý árbir adamnyń qolynan keletindigin aıtyp, qaıyrymdy, meıirimdi bolýǵa shaqyrdy. Taldyqorǵandaǵy belsendi eriktilerdiń biri Erjan Dáýletbaevtyń aıtýynsha búgingi tańda volonterlyqtyń kóptegen baǵyty bar. «Aǵylshyn tilin úıretý, basqa da sabaqtar berý, nemese adamdarǵa psıhologııalyq qoldaý kórsetý sııaqty. Zoovolonterstvo deımiz. ıAǵnı janýarlarǵa, tabıǵatqa kómektesý. Sondyqtan da eriktilik degenimiz eń birinshiden adamnyń júreginen shyǵyp jatqan tyń dúnıe. Ózimizdiń qanymyzda bar dúnıe dep aıtsaq ta bolady»,dedi ol.

Saltanatty basqosýda sport jáne óner salasynda tanylyp júrgen jastar da sóz sóılep, óz oılaryn ortaǵa saldy. «100 jańa esim» jobasynyń jeńimpazdary, paralımpıada oıyndarynyń júldegerleri, aqyndar men óńirdiń belsendi jastary Prezıdent bastamasyna qoldaý bildirip, eriktiler qozǵalysyn elimizdiń aýqymdy áleýmettik máselelerin sheshýge baǵyttap, 2020 jyldy qaıyrymdy ister jylyna aınaldyrýǵa úndeý tastady. Volonter jylyna arnalǵan kesh qazaq estradasy juldyzdarynyń kontsertine ulasty.