JETІSÝ JÁNE ALMATY OBLYSTARY QURYLADY

NUR-SULTAN. QazAqparat – Jetisý jáne Almaty oblystary qurylady. Bul týraly QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy QazAqparat tilshisi.

«Úshinshi másele. Almaty aglomeratsııasyna qatysty túıtkilder kóp. Osy jáne basqa da jaıttardy eskere otyryp, Almaty oblysyn ekige bólýdi usynamyn. Bul óńirde Jetisý jáne Almaty oblystary qurylady. Almaty oblysynyń ortalyǵy Qapshaǵaıda bolýy kerek. Al, Jetisý oblysynyń ortalyǵy Taldyqorǵanda ornalasady», - dedi Memleket basshysy.

Prezıdenttiń atap ótýinshe, oblys turǵyndary negizinen qala tóńiregine shoǵyrlanǵan. Uzynaǵashtaǵy nemese Talǵardaǵy máseleni sonaý Taldyqorǵanda otyryp sheý ońaı emes. Oblys ortalyǵyna barý úshin halyqtyń alysqa sabylýyna týra keledi.