«Jetisý» voleıbol klýby Azııa chempıonatynyń jartylaı fınalynda óner kórsetýde
ALMATY. 24 maýsym. QazAqparat /Erlik Erjanuly/ - Búgin Vetnamnyń Vın Fýk qalasynda voleıboldan áıelder arasynda klýbtyq Azııa chempıonatynyń jartylaı fınaldyq oıyndary ótip jatyr.
Onda Qazaqstan chempıonatynyń jeńimpazy bolǵan Almaty oblysynyń «Jetisý» klýby keshe jartylaı fınalda japondyqtardy («Kensyokai Red Hearts») 3:0 esebimen oısyra utqan edi. Búgin olar qytaılyqtarmen («Tianjin Bridgestone»), ındonezııalyqtarmen («Garuda»), ırandyqtarmen («Perspolisse») aqtyq saıysqa joldamany sarapqa salýda.
19-maýsymda jalaýy kóterilgen bul jarysta 8 komanda 2 topqa bólinip ózara kúsh synasqan bolatyn. Onda Vetnam, Japonııa, Fılıppın men Iran voleıbolshylary «A» tobynda, al Taıland, Qazaqstan, Indonezııa men Qytaı sportshylar «V» tobynda baq synady. Keshe jartylaı fınalda eki toptyń úzdikteri qarsylas topta 4-oryn alǵan, al 2-oryn alǵandar 3-oryn alǵandarmen jup qurady. Bul dúbirli doda erteń aıaqtalady. Onda jeńimpaz komanda klýbtyq Álem chempıonatyna qatysýǵa múmkindik alady. Qazaqstandyq «Jetisý» klýby byltyr Azııa chempıonatynda 2-oryn alǵan bolatyn.
