Jetisý ýnıversıteti jemqorlyqqa qatysty túsinik berdi
TALDYQORǴAN. QazAqparat - Taldyqorǵan qalasyndaǵy Іlııas Jansúgirov atyndaǵy Jetisý memlekettik ýnıversıtetindegi daýǵa qatysty atalǵan bilim shańyraǵynyń baspasóz qyzmeti túsinik berdi, dep habarlaıdy QazAqparat tilshisi.
Baspasóz qyzmetiniń jetekshisi Baıan Shaıanbaevanyń aıtýynsha, bilim mekemesiniń pedagogtaryna shara qoldanylmady. Sebebi, áleýmettik jeli arqyly jarııalanǵan jazbada eshbir oqytýshynyń naqty aty-jóni jáne dálelder kórsetilmegen. Biraq, pedagogıka jáne psıhologııa fakýltetiniń oqytýshylarymen oqý ornynyń basshylyǵy jıyn ótkizip, qortyndysynda stýdentterdi arnaıy komıssııa quramy qabyldaıtyn bolyp sheshken. Quramynda «Nur Otan» partııasy, qoǵamdyq birlestikterdiń músheleri bar komıssııa stýdentterdiń emtıhandy óz kúshterimen tapsyrýǵa jáne jemqorlyq jaıttarǵa jol bermeýin qatań qadaǵalaıtyn bolady. Sondaı-aq Baıan Shaıanbaeva, stýdentter arasynda jemqorlyq máselesine baılanysty arnaıy saýalnama júrgiziletinin aıtty. Stýdentterdiń naqty dálelderi bolsa naqty shara qoldanamyz deıdi.
Aıta ketý kerek, ózderin Jetisý memlekettik ýnıversıtetiniń pedagogıka jáne psıhologııa fakýltetiniń stýdentterimiz dep tanystyryp (jazba anonımdi túrde jazylǵan), áleýmettik jelide atalǵan bilim shańyraǵynda jemqorlyq dendep barady dep jarııalaǵan bolatyn. Olardyń sózine qaraǵanda, oqý ornynyń pedagogtary emtıhandy óz kúshterimen tapsyrýǵa múmkindik bermeı jatqan kórinedi. Sol sebepti mundaı bassyzdyqqa jol bermes úshin, əleýmettik jeli arqyly janaıqaılaryn jetkizip, oqytýshylarǵa aqsha suraǵandy toqtatsyn dep talap qoıǵan edi.
Eger der kezinde tıisti shara qoldanylmasa stýdentter quzyrly mekemelerge shaǵymdanamyz dep jazǵan. Jəne oqytýshylardyń aqsha talap etkendigin dəleldeıtin aýdıo jəne vıdeo jazbaralardyń bar ekendigin eskertken.
