Jetisý ýnıversıteti balalar úıiniń 100-den astam tárbıelenýshisin qonaqqa shaqyrdy
TALDYQORǴAN. QazAqparat - Alǵys aıtý kúnine oraı jetisýlyq stýdentter «Aınalaıyn» balalar úıiniń tárbıelenýshilerine mereke syılady, dep habarlaıdy QazAqparat tilshisi.
Qaıyrymdylyq sharasy aıasynda 100-den astam bala Jetisý memlekettik ýnıversıtetine qonaqqa kelip, ustazdar men tálimgerdiń meıirimine bólendi. Jastar óz kúshimen kontserttik baǵdarlama daıyndap, syılyqtaryn tabystady. Bul ıgi dástúrdiń qolǵa alynǵanyna nebári eki jyl bolsa da, balalar úıiniń shákirtteri úlken aǵa-ápkelerine baýyr basyp qalǵan. Sebebi stýdentter qaýymy aı saıyn ondaǵy balǵyndardy týǵan kúnderimen quttyqtap, qýantyp turady.
"Bizge aı saıyn kelip, syılyqtaryn beredi, qýanysh syılaıdy. Biz olardy ərqashan asyǵa kútemiz. Osyndaı meıirimdi jandardyń bolǵany úshin sheksiz alǵysymyzdy bildiremiz", - dedi «Aınalaıyn» balalar úıiniń tərbıelenýshisi Aleksandra Belonosova.
Aıta ketý kerek, Taldyqorǵandaǵy atalmysh áleýmettik mekemede 130-dan astam bala tərbıelenýde.
