Jetisý tórinde Jeńis kúnine oraı sporttyq jarystar ótýde
TALDYQORǴAN.QazAqparat - «Taldyqorǵan» ıppodromynda Jeńis kúni merekesine arnalǵan ulttyq at sporty túrlerinen respýblıkalyq jarys ótip jatyr. Dúbirli dodaǵa elimizdiń túkpir-túkpirinen júzden astam júırik qatysýda, dep habarlaıdy QazAqparat tilshisi.
Jarystyń saltanatty ashylýynda sóz sóılegen oblys ákimi Amandyq Batalov júzden júırik, myńnan tulpar sáıgúlikterine úmit artyp kelgen barlyq atbegiler men shabandozdarǵa jeńis tiledi.
Baǵdarlama boıynsha taı jarys, qunan báıge, top báıge, jorǵa attar jarysy jáne 21 shaqyrymǵa alaman báıge uıymdastyrylady. Sonymen qatar qyz qýý, teńge ilý, kókpar tartý oıyndaryn da kórermender rızashylyqpen tamashalady.
Alaman báıgeniń 1-oryn júldegerine 1,5 mln. teńge aqshalaı syılyq tigilýde. Jalpy jarystyń júlde qory - 8 mln. teńge.
