Jetisý taýlarynda joǵalǵan bloger tabyldy

TALDYQORǴAN. QazAqparat – Jetisý oblysynyń taýlarynda joǵalyp ketken tıktoker tabyldy, dep habarlaıdy QazAqparat Tótenshe jaǵdaılar mınıstrligine silteme jasap.

«7 maýsymda saǵat 18:50-de Jetisý oblysy TJD kezekshi baılanys pýltine 1986 jyly týǵan er adamnyń 6 maýsym saǵat 15:00 shamasynda Eskeldi aýdanynyń taýlarynda ornalasqan Burqan bulaq sarqyramasyna qaraı velosıpedpen ketkeni týraly habarlama kelip tústi. Er adam – Tik-Tok áleýmettik jelisinde óz blogyn júrgizetin saıahatshy, Almaty qalasynyń turǵyny.

«Іzdestirý-qutqarý jumystary Qarabulaq aýylynan 40 shaqyrym jerde, Qoryn shatqaly men Burhan bulaq sarqyramasy aýdandarynda júrgizildi.

Jedel júrgizilgen avarııalyq-qutqarý jumystarynyń arqasynda er adamdy saǵat 12:00-de Jetisý oblysy TJD qutqarýshylar toby Burhan bulaq sarqyramasynan 12 km qashyqtyqta tapty. Oǵan medıtsınalyq kómek qajet bolǵan joq.

Іzdestirý jumystaryn júrgizýge TJD-dan 12 qyzmetker men 4 tehnıka, kınologııalyq esep, aýdandyq polıtsııa bóliminiń 2 qyzmetkeri men 1 tehnıkasy jumyldyryldy», - delingen TJM málimetinde.

Eske salaıyq, 36 jastaǵy Damır Kýsheev izdestirilip jatqany týraly buǵan deıin jazǵan bolatynbyz.