Jetisý taýlarynda altyn óndirýmen aınalysqan «qara izdeýshiler» ustaldy
Derek Aqsý aýdanynda tirkeldi. 1 qazan kúni Balasaz aýylynyń mańyndaǵy taýly jerlerde jergilikti polıtseıler «qara izdeýshiler» brıgadasyn ustaǵan. Brıgada Jambyl oblysy men Almaty qalasynan barǵan alty er adamnan quralǵan. Olar altyn kenin óndirýmen aınalysqan degen kúdikke ilindi. Ustalǵandar óz qyzmetine qatysty eshbir ruqsat qujattaryn usyna almady.
Tártip saqshylary kúdiktilerden avtokólikterdi (júk kóligi HOWO, ekskavator, ÝAZ), sonymen qatar burǵylar, elektr generatory, perforator, arnaıy shyńdar, daıyndalǵan qaptar, kıiz úı men shatyr tárkiledi.
«Qazylǵan qazbalar (ártúrli tastar men qumdar) júk kóligine tıelgen. Qazirgi kezde derek boıynsha tıisti saraptamalar taǵaıyndaldy jáne qylmystyq tergeý qozǵaldy. Atalǵan derek QR QK-niń 334-babynyń 1-bóligi (Jer qoınaýyn óz betinshe paıdalaný) boıynsha júrgiziledi», - dedi Jetisý oblysy PD Tabıǵatty qorǵaý basqarmasynyń aǵa ınspektory Baǵlan Rymjanov.
Foto: polisia.kz
