«Jetisý» radıosy ashylady
TALDYQORǴAN. QazAqparat - Almaty oblystyq «Jetisý» telearanasynyń negizinde oblystyq «Jetisý» radıosy ashylatyn boldy. Bul týraly óńirlik kommýnıkatsııalar qyzmetindegi brıfıngte telearna basshysy Beısen Quranbek aıtty, dep habarlaıdy QazAqparat tilshisi.
Bıyl oblystyq «Jetisý» telearnasynyń qurylǵanyna 20 jyl. Mereı toı aıasynda kóptegen sharalar josparlanyp otyr. Beısen Quranbek solardyń birazyn tizbektep berdi. Arna tarıhynda eń aýqymdy qadam oblystyq radıo áýe tolqynyna shyǵady. Qazirgi tańda jıilikke baıqaý jarııalanyp, nátıjesin kútýdemiz deıdi, bas dırektor. Osy ýaqytqa deıin birneshe kórkem fılm túsirip úlgergen shyǵarmashylyq ujym arna janynan kıno bólimin ashýdy da josparlap otyr. Al mereıli data mádenı-kópshilik, sporttyq sharalarmen, qaıyrymdylyq aktsııalarymen este qalmaq. Naýryz merekesinde asyq atý, arqan tartý, láńgi tebý syndy ulttyq oıyndardan oblystyq BAQ ókilderi aıasynda jarystar uıymdastyrylady. Sondaı aq respýblıkalyq deńgeıde fýtboldan týrnır ótedi. Dástúrli ánshilerdiń kontsertin, «Bolmys» tok-shoýynyń qaıyrymdylyq kontsertin ótkizý josparlanǵan. Ár jyldary «Jetisý» telearnasynda eńbek etip, zeınetke shyqqan ardagerlerge qurmet kórsetilip, arna tarıhynan syr shertetin kitap jaryqqa shyǵady. 20 jylda «Jetisý» telearnasy kásibı mamandardy daıarlaıtyn úlken mektepke aınaldy.
«Bizdiń «Jetisý» telearnasynyń 20 jyldyǵyn atap ótýdegi maqsat, bul osy jyldar ishinde qol jetkizgen jetistikterimizben, tabystarymyzben, ózimizdiń patsha kóńildi kórermendermen bólisý. Solarmen birge aldyǵa jańa maqsattar, jańa mejelerdi anyqtap, soǵan jetýdiń joldaryn qarastyrý.» -dep atap ótti Beısen Quranbek.
